Nadakpan sa kapulisan ang usa ka grupo nga nalambigit sa pagsuplay og iligal nga drogas sa Camotes Islands human sa usa ka operasyon sa Sitio Regla, Barangay Mabolo, Cebu City alas 2:20 sa hapon niadtong Enero 8, 2026.
Ang operasyon gipangulohan sa Philippine Drug Enforcement Agency (PDEA) Cebu Provincial Office ug PDEA Region 7 Intelligence Section – Intelligence Operation Unit, uban ang tabang sa Naval Forces Central ug Cebu City Police Office (CCPO) Station 4.
Sa maong operasyon, nasakmit ang napulo ka pakete sa gituohang shabu nga adunay gibug-aton nga mga 775 gramos, nga gibanabanaang balor og ₱5,270,000 sa merkado. Nakumpiskar usab ang lain-laing ebidensya nga may kalabutan sa iligal nga kalihokan.
Sumala sa balaod, ang pagbaligya og delikadong drogas, bisan unsa pa ang kadaghanon, dili kini pwedi ma piyansaan ug silutan og tibuok kinabuhi nga pagkabilanggo ug multa nga mokabat gikan ₱500,000 hangtod ₱10 milyon.
Source: PDEA-7
I via Renante Socia Lada