Giwarningan sa Sugbo News, ang opisyal nga news network sa Cebu Provincial Government, ang publiko bahin sa usa ka pekeng balita nga naglakip sa usa ka quote nga giingong gikan kang Gobernador Gwendolyn Garcia.
Matod sa Sugbo News, wala gayud nagpagawas og maong pamahayag si Gov. Garcia, ug usa lamang kini ka binuang nga pagpanglimbong pinaagi sa sayop nga impormasyon.
Gihangyo sa kagamhanan sa Kapitolyo sa Sugbo ang publiko nga magmatngon ug dili dali motuo sa mga balita nga makit-an sa social media, ilabi na kadtong sayon ra nga ma-manipulate.
“Magpabilin kitang kritikal ug dili magpalimbong sa mga pekeng balita,” panawagan sa Sugbo News.
Ang publiko gidasig nga i-verify ang impormasyon gikan sa mga opisyal nga news sources ug magbantay batok sa pagpanglimbong sa digital nga panahon. (Renante Socia Lada)
(Source: Cebu Provincial Capitol, PIO)