Gipadayag ni Cebu Governor Pamela S. Baricuatro ang iyang lig-on nga suporta sa pag-renew sa legislative franchise sa Visayan Electric Company (VECO) aron mapadayon ang kasaligan ug barato nga suplay sa kuryente sa Metro Cebu.
Sa usa ka courtesy visit, giingon ni VECO President Mark Anthony Kindica nga naaprobahan na sa House of Representatives ang pagpalugway sa franchise sa kompanya.
Matod pa niya, ang maong panukiduki karon girepaso na sa Senate Committee on Public Services nga gipangulohan ni Senador Raffy Tulfo.
Gipunting ni Gov. Baricuatro nga usa sa mga rason sa iyang suporta mao ang paspas nga paglihok sa VECO sa pag-ayo sa linya sa kuryente atol sa sunod-sunod nga kalamidad sa miaging tuig. Tungod niini, dali usab nga nabalik ang suplay sa kuryente sa mga apektadong lugar.
Kung maaprubahan ang franchise renewal, makapadayon ang VECO isip nag-unang distributor sa kuryente sa Metro Cebu sulod sa sunod nga 25 ka tuig.
Source: Cebu Province PIO
I via Renante Socia Lada