Napakgang ang tuyo sa usa ka giingong drug personality nga armado sa pagsamok sa Sitio Back Sugbutel, Barangay Carreta, human kini misukol ug namusil sa mga pulis nga mitubag sa alarma, pasado ala 1:00 sa hapon, Lunes, Nobyembre 17, 2025.
Sumala ni Mabolo Police Station Chief P/Major Eric Gingoyon, nakadawat sila og tawag nga adunay armado nga tawo nga nanghasi sa dapit. Sa dihang miresponde ang mga sakop sa Drug Enforcement Unit (DEU), girespondihan nila dayon ang suspetsado nga maoy unang mipusil. Tungod niini, napugos ang kapulisan sa pagbalos aron maprotektahan ang ilang kaugalingon ug ang mga residente.
Gikumpirmar ni Major Gingoyon nga nasamaran ang suspek atol sa engkwentro. Gidali kini’g dala sa tambalanan samtang padayong gisusi ang iyang kahimtang ug wala pa ipadayag ang iyang pangalan pending sa imbestigasyon.
Nagpadayon ang follow-up investigation sa kapolisan aron tukion ang posibleng koneksyon sa suspetsado sa iligal nga negosyo sa drugas sa maong lugar ug aron masiguro ang kaluwasan sa komunidad.
I via Renante Socia Lada
