Nagviral sa social media ang balita human miapil ug mipirma si Rev. Fr. Crescenciano “Ciano” Ubod sa “TAY KAMI NAMAN” signature campaign nga gilunsad sa Duterte Die Hard Supporters (DDS) niadtong Enero 21, 2026.
Daghang netizens ang ni-react tungod kay ang pirmahanan gihimo sulod sa lugar sa simbahan sa Compostela, diin kuraparoko si Fr. Ubod. Sa mga hulagway nga naglibot online, makita si Fr. Ubod nga nipirma sulod sa usa ka coaster, nga gigamit isip venue sa signature drive.
Ang maong kampanya opisyal nga gilusad sa Enero 19 ug nagtumong sa pag-awhag sa Korte Suprema nga molihok sa upat ka petisyon nga may kalabotan sa pagdetine sa kanhi Presidente Rodrigo Duterte sa International Criminal Court (ICC) sa The Hague, Netherlands.
Sumala sa DDS, ilang target nga makatigom og kapin sa 500,000 ka pirma, nga ila untang ipresentar sa Korte Suprema kuyog sa ilang petisyon sa mosunod nga bulan.
Ang partisipasyon ni Fr. Ubod nagpadayon sa pagdani og lain-laing reaksyon gikan sa publiko.
I via Renante Socia Lada