Gipahigayon kagahapong adlaw, Desyembre 22, 2023, ang pag apod-apod sa financial assistance para sa mga nabiktima sa sunog didto sa Santa Maria, Barangay Pusok, dakbayan sa Lapu-Lapu.
Gi-tambungan kini ni Lapu-Lapu City Mayor Junard Chan, Congresswoman Cindi King Chan, Senator Win Gatchalian, DSWD-7 ug mga opisyalis sa dakbayan.
Nikabat ngadto sa P3O milyon nga ayuda ang nahatag sa mga nabiktima sa sunog, diin ang P18.3 milyon niini nagagikan sa panudlanan sa siyudad sa Lapu-Lapu ug ang P11.6 milyon gikan sa nasudnong pundo na gipaagi sa Department of Social Welfare and Development (DSWD-7).
Gipaspasan ni Mayor Chan ang pag hatag sa ayuda aron dali makabangon ang 1,354 ka mga pamilya ug kapin sa 8 mil ka mga individuals na nabiktima sa sunog niadtong Desyembre 12, 2023.
Gikalipay usab kini pag ayu sa mga nabiktima sa sunog kay paspas ang ayuda na gihimo sa kagamhana sa siyudad sa Lapu-Lapu. (Renante Socia Lada, photo courtesy of Junard “Ahong” Chan, Lapu-Lapu City Mayor)