Sa matag kusog nga pagbunok sa uwan makasinati dayon og grabi nga pagbaha ang pipila ka mga barangay sa siyudad sa Mandaue.
Gumikan niini nagkadaiyang mga lakang ang gihimo sa siyudad sa Mandaue aron pagtubag sa maong problema.
Kagahapong adlawa, Septembre 26, 2023, ang mga sakop sa Mandaue City Engineering Office gipangsubay ug gipanglantaw ang mga lapok sa nagkadaiyang manhole.
Tumong ug tuyo niini nga ma limpyo ang mga barado nga lapok na maoy makamugna og pagbaha panahon nga adunay pag ulan.
Usa sa mga lugar nga ilang gisusi mao ang A.C Cortes sa barangay Looc duol sa dako nga unibersidad diin gi ablihan ang manhole ug gi habwaan ang mga tubig ug lapok.
Hinuon bisan sa maong problema positibo gihapon ang kagamhanan sa siyudad sa Mandaue na mahatagan og solution ang grabing problema sa baha.
via Renante Socia Lada