Wala katiwas sa pagpaniudto ang trabahanti sa Barangay human gipusil sa wala maila na mamumuno.
Didto kini nahitabo sa Barangay Duljo Fatima, siyudad sa Sugbo, kagahapon sa udto, Hunyo 17, 2024.
Ang biktima giila sa Mambaling Police Station na mao si Edward Abayan, 44 anyos ang panuigon, administrative staff sa Mambaling Brgy. Hall.
Sa imbestigasyon sa kapulisan nasayran nga giduol sa usa ka lalaki na naka maskara si Abayan ug gipusil na naigo sa ulo na maoy hinungdan sa iyang kamatayon.
Ang kapulisan padayon pa sa ilang imbestigasyon aron pagsuta sa motibo sa maong krimin.
Susihon usab ang mga CCTV sa maong lugar aron makatabang sa ilang imbestigasyon. (Renante Lada and Ting Joe Pepito)