Usa ka malampuson nga buy-bust operation ang nahimo sa City Intelligence Unit ug sa City Drug Enforcement Unit sa Lapu-Lapu City Police Office (LCPO) batok sa usa ka durugista.
Ang suspetsado naila nga si alyas Obeng, 42 anyos ang panuigon, high-profile, taga Zone 7, Barangay Buaya, siyudad sa Lapu-Lapu.
Nasikop kini sa naasoy nga lugar kagahapon sa hapon, Abril 29, 2024.
Mga binultong shabu ang nakuha sa iyang position na adunay standard drug value nga dul-an P7 million.
Sa gihimo na inbestigasyon ang suspetsado makabaligya og ginadiling drugas na tag 300-500 gramos matag semana sa siyudad sa Sugbo, Mandaue ug Lapu-Lapu.
“The recent operational accomplishment is a concrete demonstration of PRO7’s unwavering dedication to implementing aggressive anti-crime strategies to foster safety and security in Central Visayas. We also recognize the indispensable role of the community in PRO7’s successes,” pasabot ni PBGen Anthony Aberin, Regional Director, PRO7.
Sa pagkakaron ang suspetsado anaa na sa kustodiya sa kapulisan ug giandam na usab ang kasong kalapasan sa Comprehensive Dangerous Drugs Act of 2002. (Renante Lada)
(Source: PRO-7)