Nagmalampuson ang gihimo nga buy-bust operation sa Mandaue City Police Office, pinanguluhan ni Police Colonel Julius Sagandoy, City Director sa MCPO, inabagan sa RID/RDEU ug Philippine Drug Enforcement Agency 7.
Didto kini sa M. Logarta St., Barangay Subangdaku, siyudad sa Mandaue, pasado alas 10:30 kagabii, Hunyo 19, 2024.
Ang suspetsado naila nga mao si Lolita Parba Labajo, alyas Lolit, High Value Individual, 46 anyos ang panuigon, may kaipon, residenti sa Sitio Limba, Barangay San Roque, siyudad sa Talisay.
Mga binultong shabu ang nakuha sa position ni Labajo na adunay timbang nga 1,025 gramos ug standard drug value nga P6,970,000.00.
Nasayran nga ang suspetsado napugos sa pagpamaligya og ginadiling drugas tungod sa kawad-an sa kinabuhi bugti sa P2,5OO nga suhol sa matag transaksiyon.
Sa pagkakaron giandam na ang kasong kalapasan sa R.A 9165 batok sa suspetsado. (Renante Lada and Ting Joe Pepito)