Cebu City – Nalutsan ug warrant of arrest sa Regional Trial Court Branch 27 sa Dakbayan sa Lapu-Lapu ang duha ka executives sa labing dako nga motorcycle dealer sa tibook Pilipinas, Abril 18, 2022.
Giluwatan ni Judge Nelson Leyco sa RTC Branch 27 ang warrant of arrest ngadto ni Marvin Ken Du ug Cassandra Alexis Du sa address, DES Marketing, Gun-ob, Syudad sa Lapu-Lapu.
Gireklamo ang duha ug 2 counts sa kaso ubos sa Cybercrime Prevention Act of 2012, kalapasan sa Section 4, Paragraph B, Subparagraph 1 (II) sa RA 10175 (sa computer-related Forgery).
Ang maong kaso gisang-at sa Land Transportation Office (LTO-7), pinaagi ni Regional Director Victor Emmanuel Caindec.
“Madutlan diay ang Bilyonaryo nga dealers sa motor?” mensahi ni LT0-7 Director Caindec.
Duna kini gi rekomendang pyansa nga ₱ 120,000 matag usa alang sa ilang temporaryong kagawasan. (Jhon Tadlip)
(News & photo courtesy of Regional Trial Court Branch 27 | LTO-7)