Masirsirmatan iti pannakapadur-as ti Laoag International Airport a mapagbalin a category 9 manipud iti agdama a category 7.
Immunan nga inrakurak ni Gob. Mathew Marcos Manotoc a madaman iti pannakapapintas ti runway iti erupuerto tapno mabalinton nga agdísso dagiti dadakkel nga eroplano wenno international flights iti Laoag International Airport.
Kuna ni Mr. Perry Martinez iti Metro Ilocos Norte Council a manamnama a malpas ti upgrading agingga iti bulan ti Hunyo kas immunan a pammilin ni DOTr Secretary Art Tugade.
Maipalagip a nabayagen a kalikagum ni Gob. Marcos Manotoc a mapadur as ti Laoag International Airport tapno maakumudar dagiti dadakkel ng eroplano nga agdisso iti nasao na erupuerto.
Inbunannag ni Martinez a kaadduan kadagiti pasaheros ti eroplano a bumabbaba iti Ninoy Aquino International Airport-Manila ket um umay da ditoy Ilocos Norte.
Manamnama nga apaman nga agbalin ton a category 9 ti Laoag International Airport, ad adun to manen dagiti agsangpet a local ken gangannaet a turista gapu ta mabalin ton international flights kas iti Honolulu-Hawaii iti Laoag Aiport. (Rod Sadian)
(Source: Provincial Government of Ilocos Norte)