Pulos nalandig sa tambalanan ang duha ka mga tinun-an human kini naigo sa kilat atol sa ilang pagdula sa gawas.
Nahitabo kini pasado alas 3:00 kagahapon sa hapon, Oktobre 11, 2024, didto sa Sitio Danawan, Barangay Liburon, dakbayan sa Carcar.
Ang mga biktima nag-edad og 15-anyos ug 16-anyos, ang duha pulos nagpuyo sa Barangay Liburon, siyudad sa Carcar,Sugbo.
Sa nasayran nga ang duha ka mga biktima nagdula atong higayuna sa dihang nakadungog sila og kusog nga tingog sa kilat.
Pulos naigo ang mga tinun-an nga natumba dayon ug nawad-an og panimuot, naka angkon sila og mga kadaot sa kalawasan na daling gidala sa tambalanan.
Sa pagakakaron anaa sa talandugon ang kahimtang sa mga biktima na padayong giatiman sa mga doktor. (Renante Lada)