Nagbuy-od sa yuta na pulos wala nay kinabuhi ang duha ka mga hubog na nag unay sa pagdinunggabay. Didto kini sa Sitio Tambobo, Brgy. Bonbonon, lungsod sa Siaton, Negros Oriental, pasado alas 3:00 sa kaadlawon, Hunyo 14, 2024.
Mga biktima usa 24 anyos, ulitawo, trabahador sa Arminda Fishing Boat ug residente sa Brgy San Francisco, Sta Catalina, Negros Oriental Samtang ang usa, 44 anyos ug residente sa Sultan Kudarat (tinuod nga ngalan wala mailhi).
Gibutyag sa mga saksi nga pag-abot niya sa Tambobo Bay gikan sa diskohan sa Brgy. Bonbonon iyang nabantayan ang usa ka lalaki (24-anyos) nga adunay samad dinunggaban sa tuong bahin sa iyang lawas ug nakasulti pa kini kaniya nga “Gidunggab ko ni (44-anyos), ug nailog niya ang kutsilyo ug nagdinunggabay sila. Daling gidala sa mga responding team ang duha (2) ka samaron nga mga biktima ngadto sa Cong. Lamberto Macias Hospital. Apan dead on arrival na kini.
Ang mga biktima/suspek: Ang Person Number 1. 24-anyos (Namatay) nakaangkon og samad dinunggaban sa tuong bahin sa iyang lawas. Person 2. 44 anyos (Namatay) nakaangkon og daghang samad dinunggaban sa ibabaw nga bahin sa iyang dughan.
Sa pagkakaron padayon pa ang imbestigasyon sa kapulisan kung unsay hinungdan sa panag-away sa duha ka mga hubog na ni resulta sa ilang kamatayon. (Renante Lada and Ting Joe Pepito)