Wala nay kinabuhi nga niabot sa tambalanan ang usa ka tricycle driver human gipusil sa riding in tandem. Ang krimin nahitabo kagahapon sa buntag, Abril 18, 2023 didto sa Sitio Kapasad, Barangay Dumlog, Siyudad sa Toledo, Probinsya sa Sugbo.
Ang biktima giila sa kapulisan nga mao si Junerick Tenajora, alyas Dagol, 35 anyos ang panuigon, nagpuyo rapud sa naasoy nga lugar.
Sa imbestigasyon sa kapulisan nasayran nga samtang namasahero ang biktima sa naasoy nga lugar gisundan kini sa duha ka mga lalaki nga luwan sa motorsiklo dayon gipusil. Naigo sa ulo si Tenejora gamit ang 45 nga kalibre sa armas de fuego na maoy hinungdan sa kamatayon niini. Sa pagkakaron gipaubos pa sa background check ang biktima aron pagsuta kung wala ba kini gikaaway.
(Renante Lada, photo courtesy of Toledo Police Station)
