Usa ka malampuson nga operasyon ang nahimo sa mga sakop sa Police Regional Office (PRO-7), batok sa usa drayber sa jeepney nga nagpayuhot og ginadiling drugas.
Didto kini nahitabo sa Brgy. Mabolo, siyudad sa Sugbo, kaganihang tungang gabii, Hulyo 1, 2024.
Kapin sa kilo sa gituhuang shabu ang nasakmit sa usa ka alyas “Baldo”, na residenti rapud sa maong lugar. Ang mga sakop sa Mabolo Police Station uban sa City Intelligence Unit of Cebu City Police Office.
Ang mga gituhuang ginadiling drugas aduna kini timbang nga 1,005 gramos og standard drug value nga P6,834,000,00.
Si Regional Director, PBGen. Anthony Aberin nidayig sa iyang mga sakop sa nahimong kalampusan batok sa ginadiling drugas.
“In adherence to the objectives of the BIDA Program of SILG Atty. Benjamin Abalos Jr., our aggressive pursuit to end the illegal drug menace will be non-stop to cleanse Central Visayas for illegal drug menace”, matod ni PBGen. Aberin.
Sa pagkakaron giandam na ang tukmang kaso isip kalapasan RA 9165 or the Comprehensive Dangerous Drugs Act of 2002 ang ipahamtang sa suspetsado. (Renante Lada | Ting Joe Pepito)
(Source: PRO-7)