Kagahapong adlawa, Abril 13, 2024, ang Department of Health Central Visayas Center for Health Development (DOH Central Visayas CHD) ug ang Vicente Sotto Memorial Medical Center kauban ni Undersecretary Terence C. Calatrava sa Office of the Presidential Assistant for the Visayas (OPAV) ug Cebu Province Second District Representative Hon. Edsel Galeos, nagdala og serbisyo sa panglawas alang sa Sugbuanon pinaagi sa Bagong Pilipinas Serbisyo: A Caravan of Services nga gipahigayon sa Municipality of Dalaguete, Cebu.
Sa maong Ceremonial Turnover of Items and Program Grants, ang DOH Central Visayas CHD mi apod-apod sa adult ug pediatric wheelchairs, quad canes, crutches, olyset nets alang sa dengue control program, ug oral health kit distribution ngadto sa mga kabataan.
Liboan ka mga tawo ang nakapahimulos sa mga libreng serbisyong panglawas, lakip na usab ang uric acid, glucose, and cholesterol determination, tooth extraction alang sa mga adults, fluoride application alang sa mga kabataan, pharmacy services, nutrition services, newborn screening services, mobile chest x-ray, mental health and drug abuse services, medical consultations, immunization (HPV, Pneumococcal) services, HIV voluntary testing ug counseling.
Samtang kapin sa 90 ka mga health workers nga gipangulohan ni DOH Central Visayas CHD Regional Director Jaime S. Bernadas, Assistant Regional Director Sophia M. Mancao, ug mga sakop sa Executive Committee, ang nagtinabangay alang sa paghatag sa kalidad nga serbisyong panglawas. Ang BPSF usa ka inisyatibo nga gipangulohan sa Office of the President ug sa Office of House of the Speaker alang sa usa ka “Mabilis, Maayos, Maginhawa, at Masayang Serbisyong Pampubliko”. (Renante Lada)
(Source: DOH-7)
