Human sa kusog nga linog nga adunay magnitude 6.9 nga miigo sa Cebu ug mga silingang probinsya, misugod na ang mga Local Government Unit (LGU) sa ilang sayo nga recovery ug rehabilitasyon gamit ang Local Disaster Risk Reduction and Management Fund (LDRRMF).
Sumala sa Department of the Interior and Local Government (DILG), ang mga LGU karon naggamit sa ilang pondo subay sa Republic Act 10121 aron mapaspasan ang pagtabang gikan sa emergency hangtod sa dugayng recovery. Ang balaod nagmando nga 5% sa kita sa LGU ibahin para sa disaster management, diin 30% niini alang sa Quick Response Fund (QRF), ug 70% para sa pagpangandam, pagpugong ug rehabilitasyon.
Pinaagi sa maong pondo, gitabangan ang mga apektadong residente pinaagi sa pagkaon, temporaryong kapuy-an, medisina ug alternatibong panginabuhian.
Sa pinakagrabeng naapektuhan nga lugar sama sa Bogo City, Sogod ug San Remigio, gipunting ang pagbalik sa balay, pagtukod pag-usab sa imprastruktura ug pagpalig-on sa kapasidad sa komunidad batok kalamidad pinaagi sa “Build Back Better” nga pamaagi.
Si Presidente Ferdinand Marcos Jr. personal nga mibisita sa Cebu ug mitugot og ₱50 milyon nga tabang para sa probinsya, ug laing ₱20 milyon nga direkta nga suporta alang sa pinakagrabeng naapektuhan nga LGU.
Dugang pa nga ayuda gikan sa Office of the President ipang-apod-apod sa ubang mga lungsod sa umaabot nga mga adlaw.
Source: DILG
I via Renante Socia Lada