Daghang kadaut ang nareport sa lungsod sa Tabogon, Cebu human sa kusog nga magnitude 6.9 nga linog nga miigo sa probinsya niadtong Martes sa gabii, Setyembre 30, 2025. Ang linog nakaapekto sa daghang panimalay ug estruktura, hinungdan nga daghan ang napugos pagpangita og temporaryong puluy-anan.
Si Mayor Francis Salimbangon uban sa lokal nga pangagamhanan (LGU) nagpadayon sa pagpanguna sa operasyon sa pagtabang. Gipadala dayon ang mga team aron masuta ang kahimtang sa mga kabarangayan ug matabangan ang mga residente nga pinakadako og panginahanglan.
Giprayoridad sa LGU ang paghatod sa pagkaon, tubig ug ubang relief goods, samtang gisiguro usab ang kaluwasan sa mga evacuation centers. Gipatuman ang koordinasyon uban sa mga otoridad sa probinsya ug sa national agencies aron mas paspas ang pagresponde.
Nagpabilin nga nagtinabangay ang mga tawo sa Tabogon sa pag-atubang sa epekto sa katalagman. Gipasalig sa lokal nga lider nga padayon ang ilang suporta hangtod makabangon ang komunidad.
Source: Tabogon LGU
I via Renante Socia Lada