Nagmalampuson ang kapulisan sa Cebu Police Province Office kon CPPO batok sa krimen pinaagi sa pagpatuman sa 4th Regionwide Simultaneous Anti-Criminality Law Enforcement Operations (SACLEO) gikan Marso 6 hangtod 8, 2026. Ang operasyon nagresulta sa pagdakop sa daghang kriminal ug pagkumpiskar sa ilegal nga drogas, armas, ug sugal.
Sa kampanya batok drogas, 48 ka anti-drug operations ang gihimo nga nagresulta sa pagdakop sa 63 ka drug personalities, lakip ang 59 ka drug pushers ug 4 ka drug users. Nakumpiskar usab ang 50.01 gramos sa shabu nga nagkantidad og ₱340,068, nga nakapugong sa supply sa illegal drugs sa probinsya.
Sa pagdakop sa mga wanted persons, 30 ka warrants of arrest ang gi-serve, ug nasikop ang 27 ka wanted persons, lakip ang 7 ka Most Wanted Persons, pinaagi sa 27 ka focused police operations sa lain-laing parte sa Cebu.
Sa kampanya kontra loose firearms, nasikop ang 8 suspects, gisumiter ang 9 ka armas, nakumpiskar ang 7 ka armas, ug gideposito ang 3 ka licensed pero expired firearms alang sa safety. Sa anti-illegal gambling operations, nadakpan ang 20 ka tawo ug nakumpiskar ang ₱1,793 nga pusta.
Gipasalig sa PCOL Abubakar Udang Mangelen Jr., Provincial Director sa Cebu Police Provincial Office, nga padayon nga magpabilin ang intel-driven ug agresibo nga kampanya sa kapulisan aron mapanalipdan ang katawhan ug mapadayon ang kalinaw sa probinsya, uban sa suporta sa lokal nga kagamhanan.
Source: CPPO
I via Renante Socia Lada