Naghatag og lig-on ug hingpit nga seguridad ang Cebu Police Provincial Office (CPPO) atol sa site assessment sa Independent Commission on Infrastructure Inspection, Nobyembre 16, 2025. Ang maong kalihukan nagtumong sa pagsiguro sa kahapsay ug kaluwasan sa publiko samtang gisusi ang kahimtang sa kritikal nga imprastruktura sa probinsya.
Apil sa mga nanguna nga personalidad nga mitambong mao sila Mayor Benjamin Magalong, Former PNP Chief Rodolfo Azurin Jr., Regional Director PBGEN Redrico A. Maranan, mga representante gikan sa DPWH, Provincial Director PCOL Abubakar Udang Mangelen Jr., ug ang mga City Director sa Mandaue ug Cebu City. Ang presensya sa mga lider nagpasiugda sa koordinasyon tali sa nagkalain-laing ahensya sa gobyerno.
Tungod sa nagkahiusang koordinasyon ug lig-on nga paningkamot alang sa seguridad sa publiko, hapsay nga natuman ang mga security measures atol sa pagbisita sa team sa Tamiao 3, Compostela, Cebu. Ang maong kahimtang nagpakita sa dedikasyon sa kapulisan sa pagpanalipod sa katawhan ug sa mga bisita sa site assessment.
Ang maong inisyatiba nagpalig-on sa padayon nga paningkamot sa probinsya aron masiguro ang integridad, kalig-on, ug kahapsay sa mga kritikal nga imprastruktura. Pinaagi sa pagkahiusa sa publiko ug sa kapulisan, masiguro nga ang Cebu magpabiling luwas ug maandam sa bisan unsang kalihukan o insidente.
Source: CPPO
I via Renante Socia Lada
