Gisusi ni Cebu City Mayor Michael Rama, karong adlawa Abril 14, 2024 ang venue didto sa Cebu City Sports Center (CCSC) aron tan-awon ang mga pagpangandam nga gibuhat sa siyudad alang saumaabot nga Palarong Pambansa Hulyo karong tuiga.
Atol sa pag-inspeksyon, gipadayag ni Mayor Rama nga mahinungdanon gyud nga masiguro ang kaluwas sa mga atleta ug hapsay ang pagpahigayon sa Palarong Pambansa.
“It is always better to be overprepared than underprepared,” segon ni Mayor Rama.
Kabahin niini, gimando ang mayor nga ipatangtang ang tanan nga nakaali sa sulod ug gawas sa CCSC, ilabi na kadtong mga gipangtukod nga walay permit ug mga sakyanan nga nakababag sa sidewalk.
“Safety, order has to be talked…. I don’t want na ang mga bata ma-disturb dinhi,” dugang sa ni Rama.
Gitahasan usab ni Mayor Rama ang kapulisan nga gipangulohan ni Cebu City Police Office City Director Ireneo Dalogdog nga butangan og mural ang mga koral palibot sa sports center.
Matod ni Mayor Rama nga posibling muabot dul-an sa 50,000 ka mga tawo, diin 12 kanila nga mga atleta ang motambong sa pagbukas sa Palarong Pambansa karong umaabot nga Hulyo 2024. (Renante Lada)
(Source: Cebu City PIO)
