27.2 C
Manila
Friday, March 29, 2024

Cebu City Mayor Gireklamo Ngadto Sa Ombudsman- Visayas Tungod Sa Iyang Medical Assistance Program

- Advertisement -

Nag-atubang karon og mga kasong kriminal ug administratiba sa Office of the Ombudsman-Visayas si Cebu City Mayor Tomas Osmena gumikan sa iyang medical assistance program.

Si Barangay Councilor Ramil Ayuman sa Barangay Apas, Cebu City maoy misang-at sa iyang reklamo batok kang Osmena tungod sa giingong gross neglect of duty, conduct unbecoming of a public official ug usab kalapasan sa anti-graft and corrupt practices  act (R.A. 3019).

Gi-awhag usab sa complainant ang Anti-Graft body nga ibutang ubos sa preventive suspension ang mayor samtang nagpadayon ang imbestigasiyon batok kaniya.

Samtang gihulagway ni Cebu City Attorney Joseph Bernaldez nga usa lang ka harassment suit ang gipasaka nga mga kaso batok kang Osmena.

Si Ayuman kandidato sa pagka-konsehal sa dakbayan sa Sugbo alang sa May 13 elections ubos sa Barug PDP-Laban, ang partido sa oposisyon nga ka-atbang sa Bando Osmena Pundok Kauswagan (BOPK) nga gitukod ni Osmena.

Kahinumduman, giluwatan ni Osmena ang Executive Order No. 004 nga nagpalapad sa Long Life Medical Assistance Program niadtong Agosto 8, 2016. Ubos sa maong programa, ang mga out-of-school youth  maoy gisangonan sa implementasyon niini.

Pinasikad sa iyang walo ka pahina nga reklamo, gipadayag sa complainant nga mabutang sa kakuyaw ang kinabuhi sa ubang mga residente kon sila makadawat sa mga tambal gikan sa mga incompetent  distributors.

Matud usab sa complainant nga Barangay Councilor, gi-usik-usikan ni Osmena ang public funds alang sa nahisgutang programa sanglit dili man mga barangay health workers ang gigamit sa pagpatuman niini.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -