Adunay gihimo nga suwat karon si Cebu City Councilor Rey Gealon ngadto sa Director sa Cebu City Police Office (CCPO) nga si Colonel Ireneo Dalogdog.
Unod sa maong suwat nga pangitaon ang responsabli sa pagdunggab ni Bonbon ang ero nga nag viral gumikan.
kay nagta-op pa ang kutsilyo niini sa iyang agtang, didto kini nahitabo sa Sitio Bandila, Barangay Bonbon, bukirang barangay sa siyudad sa Sugbo.
Una kining nag viral human sa FB post ni Ade Ibona niadtong Nobembre 6, 2022.
Nakaani kini og nagkadaiyang reaksyon diha social media, adunay daghang naglagot sa nagbuhat sa maong ero nga nag antos sa tumang kasakit gumikan sa hait nga kutsilyo nga nagta-op sa iyang agtang.
Gusto ni Konsehal Gealon nga makit-an ang tawo nga nagdunggab ni Bonbon ug mapasakaan kini og kaso subay sa R.A no. 8485 kon Animal Welfare Act.
Sa pagkakaron padayong giatiman sa mga veterinarian ang ero inubanan sa singgit nga hustisya. (Renante Lada, photo courtesy by Cebu City Mayor Raymond Alvin Garcia)