Nimando karon si Acting Mayor Raymond Alvin Garcia ngadto sa tagdumala sa Cebu Bus Rapid Transit (CBRT) na tangtangon ang mga lampposts na giturok sa tunga sa karsada, didto sa Osmeña Blvd.
Mao kana ang gipamahayag ni Acting Mayor Raymond Alvin Garcia karong adlawa, Hunyo 24, 2024, atol sa press conference.
Ang CBRT Project Manager mao si Norvin Imbong, diin sa maong proyekto adunay mga poste sa suga na nahimong kontrobersiyal sa publiko kay anaa kini sa tunga sa karsada og dilikada sa disgrasya.
“I have already instructed them not to continue putting more of those street lamps that are put in the middle of the road… Ug itangtang ang kadtong nabutang because it poses danger, not only to the motorists, but to the pedestrians alike,” matod ni Acting Mayor Garcia.
“He said he also wants the CBRT management to meet with representatives from City Government offices such as the Technical Infrastructure Committee, Department of Engineering and Public Works, and the Office of the Building Official to work on their necessary permits,” matod sa Cebu City PIO.
Sa ulahing update na sugdan na og panangtang ang mga poste sa suga kagabii, paniguro kini aron walay ma disgrasya sanglit ang maong mga poste anaa sa tunga sa karsada na dilikado na adunay mga sakyanan ang makadasmag niini. (Renante Socia Lada)
(Source: Cebu City PIO)