Cebu City – Napu ka mga firearms ug usa ka Granada ang gi turn over ngadto sa Criminal Investigation and Detection Group (CIDG) Cebu City Field Unit (FU) atol sa ilang kampanya batok sa loose firearms gikan sa Nobembrre 21 ug 27, 2022.
Nakasikop sab ang CIDG Cebu City FU ug mga tawo sa ilang pag serve ug mga search warrants batok sa mga indibidwal nga naghupot ug dili lisensyando nga mga armas.
Nagkanayon si Colonel Peter Miguel Tagtag Jr., CIDG Central Visayas chief, nga padayon silang nakig coordinate sa taga barangay aron pag awhag sa publiko alang sa pag surrender sa ilang dili lisensyadong mga armas.
Gipahibaw sab niini ang mahitado kung dili kini nila buhaton.
Gibutyag ni Tagtag nga dili lang kini mag-atubang ug arrest, ila sab kining pasakahan ug kasong illegal possession of firearms.
Tambag ni Tagtag nga dili mopalit ug mga baratohon nga local handgun tungod kay dili lang kini unreliable kundi , dili sab kini rehistrado. Alang kaniya nga magka problema ang mga tag-iya sa higayon nga mopahigayon sila ug operation batok sa loose firearms tungod automatic silang mahimong persons of interest ug mamahimong subject sa umaabot nga mga operations.
Sa Syudad sa Sugbo, matod ni Tagtag nga naka sikop sila ug unom ka mga tawo nga nasakmitan ug armas atoll one-day synchronized anti-criminality and law enforcement operation.
Gisugdan kini gikan sa 11:59 sa gabii sa Lunes, Nobembre 28 hangtud sa 11:59 sa gabii sa pagka Martes, Nobembre 9.
Miabot sab ug 39 ka mga drug personalities ang nadakpan sa 32 ka mga anti-illegal drugs operations nga misangpot sa pagkasakmit sa 419.79 ka gramos nga shabu.Gibana banang mobalor kini ug ₱ 2,854,572.
Duna say 72 ka mga tawo ang nasikop gumikan sa illegal gambling ug gi kustodiya ang 22 ka mga tawo nga dunay mga arrest warrants. (Jhon Tadlip)
(News & photo courtesy of Criminal Investigation and Detection Group | Cebu City Field Unit)