Gikalipay pag ayo sa mga beneficiaries sa mga na biktima sa sunog sa Sitio Paradise, Barangay Looc, Dakbayan sa Mandaue kay e turn over na ang pipila ka mga units sa temporary shelter nga nahimutang atbang sa CICC. Karong adlawa, Marso 18, 2023, adunay 41 ka mga beneficiaries ang mutambong sa Ceremonial Turn Over nga pagahimuon sa kagamhanan sa siyudad sa Mandaue.
Ang pagpili gihimo pinaagi sa pag bunot sa mga pangalan sa mga beneficiaries nga naga gikan sa Norkis Park, Noth Bus, nag abang ug kadtong nibalik sa pagtukod sa Sitio Paradise.
Adunay dul-an sa 700 ka mga pamilya ang nabiktima sa sunog niadtong Nobyembre 22, 2023 nga padayong naghuwat sa tempory shelter. Mutambong usab ang Mandaue Chamber of Commerce and Industry nga usa sa mga ni tabang sa pagpatukod sa maong temporary shelter sa maong lugar. Adunay mga condition nga pirmahan ang mupuyo sa maong shelter nga dili sila pa hawaon hangtod dili pa mahuman ang housing project ug mabalhin lang sila kung gamiton na sa kagamhanan ang maong luna. Daghan pa usab ang naglaum labi na kadtong wala nabunutan nga maapil na sila sa sunod nga batch aron maka save sila labi sa abang.
(Renante Lada, photo credits to the owner)