Gibati og tumang kalipay si centenarian Florita Paradela na taga Brgy. North Poblacion, lungsod sa San Fernando, Sugbo, human niya nadawat ang P100,000.00 gikan sa kagamhanan sa probinsya sa Sugbo.
Atol kini sa karaban sa mga serbisyo sa probinsya sa Sugbo niadtong nakalabay na adlaw na gipanguluhan ni Cebu Gov. Gwen Garcia.
Si Lola Florita, natawo niadtong Abril 10, 1924, aduna kini 16 ka mga anak. Sa iyang pagpaambit sa iyang sekreto nganong taas ang iyang kinabuhi mao ang: pagbasa sa mga libro, mag- ampo kada adlaw, pagkaon sa mga utanon na iyang tinanom sa likod sa balay ug paglikay sa mga pagkaon na adunay preservative.
Kauban usab ni Governor Gwen si first district Congresswoman Rhea Mae Gullas ug San Fernando Mayor Mytha Ann Canoy, sa pagbesita ni Lola Florita.
Nakadawat usab ang maong centenarian og mga vitamins, seedlings, ABAG Sugbo QR coded cards, cash assistance, food packs, ug support from DSWD Region 7, tsinilas , bugas gikan sa DSWD-7.
Gihatagan usab si Lola sa Certificate of Entitlement for Sugbo Kahanas para sa iyang miyembro sa pamilya diin makapahimulos kini sa Capitol’s technical and vocational skills training program. (Renante Socia Lada)