Gibutang sa full alert status ang Cebu Police Provincial Office (Cebu PPO) samtang nagpadayon ang tulo ka adlaw nga rally sa Iglesia Ni Cristo batok sa korapsyon.
Sa pagpangulo ni PCOL Abubakar Udang Mangelen Jr., gihimo ang Accounting of Personnel sa Multipurpose Grounds karong Nobyembre 16, 2025. Tumong niini nga masiguro nga ang tanang personahe kompleto, andam, ug husto ang pagkapuwesto sa mga lugar nga kinahanglan og seguridad.
Gipasabot sa Cebu PPO nga importante ang klaro nga deployment aron mapadayon ang kalinaw, kahapsay, ug seguridad sa publiko samtang nagpadayon ang lapad nga rally.
Nagpasalig ang Cebu PPO nga magpadayon sila sa ilang serbisyo uban ang professionalism ug dedikasyon aron maprotektahan ang komunidad sa tibuok kalihokan.
Source: CPPO
I via Renante Socia Lada
#rpndykccebu
