Naluwas sa kapulisan ang lima ka menor de edad ug nadakpan ang usa ka 16-anyos nga babaye nga giila lang sa iyang alias nga giingong nagrekrut sa mga biktima para sa prostitusyon.
Ang operasyon nahitabo alas niadtong niaging gabii sa usa ka lodging house sa Barangay Poblacion, Cordova. Gihiusa kini sa Provincial Intelligence Unit, Women and Children Protection Desk, Cordova Police Station, Cebu Provincial Social Welfare and Development Office ug WCPC-VFU7.
Nakuha sa operasyon ang marked money, boodle money ug cellphone nga gigamit sa iligal nga transaksiyon. Ang mga biktima karon anaa na sa protective custody sa Department of Social Welfare and Development (DSWD).
Matod ni PCOL Abubakar Udang Mangelen Jr., Officer-in-Charge sa Cebu Police Provincial Office (CPPO), ang kalampusan sa operasyon mao’y pagtuman sa mando ni Governor Pamela S. Baricuatro nga unahon gyud ang pagpanalipod sa mga bata ug pagbungkag sa mga grupo nga nag-abusar kanila.
Nagpahibalo usab ang kapulisan nga padayon ang mas lawom nga imbestigasyon aron mailhan pa ang mas lapad nga grupo luyo sa human trafficking scheme ug mosunod pa ang daghang operasyon sa tibuok probinsya sa Sugbo.
Source: CPPO
I via Renante Socia Lada