Gipasidunggan ni Governor Pamela Baricuatro ang mga magtutudlo ug non-teaching personnel sa Department of Education (DepEd) Cebu Province, ug gitawag sila nga “backbone of our communities, the light for our learners, and the strength of our province.”
Sa iyang mensahe atol sa awarding ceremony niadtong Nobyembre 17 sa usa ka hotel sa Cebu City, giingon sa gobernador nga daghan kaayong kalisod ang nasinati sa mga magtutudlo apan wala gyud sila mohunong.
“Your service has carried our children, our communities, and our province through some of the most challenging years in our history,” matod niya.
Gipasalamatan usab niya ang mga magtutudlo nga nagpadayon gihapon bisan pa sa mga kalamidad sama sa linog ug bagyo.
Gidayeg usab sa DepEd Cebu Province Schools Division Superintendent Dr. Senen Priscilo Paulin ang padayon nga suporta sa Kapitolyo, ilabi na pinaagi sa Provincial School Board nga gipangulohan mismo sa gobernador.
Ang awarding ceremony kabahin sa PRAISE program sa Department of Education, nga nagtinguha nga mopasidungog sa mga indibidwal o grupo nga adunay talagsaong kalampusan, bag-ong ideya, maayong batasan, ug kaisug sa pagserbisyo sa katawhan.
Source: Cebu Province PIO
I via Renante Socia Lada
