Gipasidunggan sa Cebu City Government ang Cebu City Police Office (CCPO) ubos sa liderato ni PCOL Enrico Evangelista Figueroa, Acting City Director, tungod sa ilang malampusong kalihokan batok sa krimen nga nagresulta sa 28.70% nga pagkunhod sa crime incidents sa dakbayan.
Base sa Resolution No. 17-0724-2025 nga giaprubahan sa Sangguniang Panlungsod, gikan Enero 1 hangtod Agosto 26, 2025, mikunhod ang kaso sa krimen gikan sa 554 ngadto sa 395 kumpara sa sama nga bulan niadtong 2024 — o 159 ka kaso ang nakuhaan.
Apil sa mga natun-an nga krimen nga mikunhod mao ang murder, homicide, physical injuries, rape, robbery, theft, carnapping, ug motornapping.
Ang maong kalampusan tungod sa mas gipakusgan nga police operations, mas taas nga visibility sa mga pulis, ug istratehikong implementasyon sa “Oplan Bulabog”, nga nagpunting sa mga lugar nga daghan krimen ug sa pagpangdakop sa mga wanted persons.
Nakab-ot usab sa CCPO ang dakong kalampusan sa pagpamenos sa mga armadong tawo ug pagdakop sa kapin 50 ka indibidwal nga dunay iligal nga armas, hinungdan nga gi bana bana ang mga kasong pagpamusil ug kalit nga panamastamas sa siyudad.
Gipasabot sa City Council nga ang maong resulta nagpamatood sa sakripisyo ug propesyonalismo sa mga sakop sa CCPO, uban sa suporta sa lokal ug nasudnong gobyerno.
Source: CCPO
I via Renante Socia Lada