Gipagawas sa Cebu City Police Office (CCPO) ang update sa search, rescue ug retrieval operation may kalabotan sa landslide sa Binaliw Landfill as of Enero 11, 2026 alas-11:00 sa buntag.
Sumala sa CCPO, unom (6) na ka tawo ang kumpirmadong namatay, samtang 12 ka tawo ang naluwas gikan sa maong insidente. Sa karon, 30 pa ka tawo ang gi-report nga missing, ug padayon ang pagpangita sa mga rescuers.
Nagpadayon ang hugot nga koordinasyon tali sa kapulisan, rescue teams, ug uban pang ahensya sa gobyerno aron mapadali ang operasyon bisan pa sa lisod nga kahimtangan sa lugar.
Nanawagan ang CCPO sa publiko nga magpadayon sa pag-ampo ug pagsabot, samtang padayon ang paningkamot sa mga otoridad aron matabangan ang tanang biktima sa maong trahedya.
Source: CCPO
I via Renante Socia Lada