Padayon sa pagpanalipod sa publiko batok sa iligal nga drogas ug sa kahimtang sa kabatan-onan, ang Cebu City Police Office (CCPO) nakahimo og dakong kalampusan pinaagi sa pagsikop sa siyam (9) ka drug suspects ug pagluwas sa 403 ka menor de edad sa sunod-sunod nga intensified police operations gikan gabii sa Nobyembre 10 hangtod sayo sa buntag sa Nobyembre 16, 2025.
Sa mga nahitabo, nadakpan ang siyam (9) ka tawo nga nalambigit sa iligal nga drogas, usa ka desisibo nga aksyon nga nagpakita sa walay puas nga pakigbisog sa CCPO batok sa mga krimen nga naghulga sa kaluwasan sa komunidad. Nakumpiskar usab sa mga pulis ang 3.03 gramos nga shabu nga nagkantidad og ₱20,604. Ang mga suspetsado karon nag-atubang sa kaso base sa Section 11, Article II sa Republic Act 9165 o mas nailhan nga Comprehensive Dangerous Drugs Act of 2002.
Gipaningkamotan usab sa CCPO ang proteksyon ug kahimtang sa mga kabataan. Usa ka total nga 403 ka menor de edad ang nasalbar tungod sa paglapas sa curfew isip kabahin sa padayon nga kampanya sa siyudad alang sa proteksyon sa kabatan-onan. Ang maong mga bata giluwas gikan sa posibleng eksploitasyon, exposure sa kriminalidad, ug uban pang delikadong sitwasyon. Ang tanan giluwas ug gihatod dayon sa angay nga otoridad ug social welfare offices alang sa husto nga assessment ug intervention.
Kini nga mga lakang kabahin sa mas lapad nga operasyon ilawom sa OPLAN BULABOG ug OPLAN BAKAL-SITA, nga gipangulohan ni CCPO Officer-in-Charge PCOL GEORGE V.
YLANAN, kauban si PRO7 Regional Director PBGEN REDRICO A. MARANAN. Ang ilang joint leadership nagpakita sa intensified commitment sa CCPO sa pagmentinar sa kalinaw, kahapsay, ug seguridad sa komunidad sa tibuok Cebu City.
Aron mapalig-on ang crime prevention ug pagsunod sa balaod, ang mga pulis sa CCPO nagsusi og 2,250 ka business establishments aron masiguro ang pagtuman sa lokal nga ordinansa ug national laws. Samtang ang Cebu City Enforcement and Security Team (CESET) nagpahamtang og 13 ka citation tickets alang sa gagmay nga paglapas, sama sa panigarilyo sa public ug pag-ihi sa public areas nga nagtabang sa mas lapad nga thrust sa siyudad alang sa disiplina ug public order.
Ang maong comprehensive operations nakab-ot pinaagi sa hugot nga kolaborasyon sa Local Government Units (LGUs), force multipliers, ug partner agencies, nga nagpamatuod sa community-driven approach sa policing ug public safety.
Gidayeg ni PBGEN Maranan ang kalampusan sa operasyon, ug giklaro ang kamahinungdanon sa visible ug proactive nga presensya sa pulis sa pagpugong sa kriminalidad ug pagtukod sa pagsalig sa publiko. Gi-highlight usab niya ang papel sa multi-sectoral cooperation sa pagpadayon sa kalinaw ug kahapsay sa tibuok siyudad.
Gipanghimatuud usab ni PCOL Ylanan ang misyon sa CCPO sa pagtukod og usa ka drug-cleared, luwas, ug malinawon nga komunidad.
Gisaad sa CCPO sa publiko ang padayon nga commitment sa community-oriented policing ug law enforcement efforts, uban sa panawagan sa kooperasyon sa matag Cebuano aron malikayan ang krimen ug mapalambo ang luwas, segurado, ug resilient nga siyudad para sa tanan.
Source: CCPO
I via Renante Socia Lada