Nagpahigayon og Human Rights Stakeholders’ Forum ang Cebu City Police Office (CCPO) karong Marso 9, 2026 sa Cebu Business Hotel. Ang kalihokan gipangulohan ni PCOL. George V. Ylanan, Officer-in-Charge sa CCPO.
Ang forum gitumong aron mapalig-on ang kooperasyon tali sa kapulisan, gobyerno, ug lain-laing organisasyon sa pagpanalipod sa human rights.
Ang kalihokan kabahin sa programa sa Philippine National Police Human Rights Affairs Office aron mapalambo ang respeto sa katungod sa katawhan.
Gitambongan usab kini ni Mayor Nestor D. Archival, sa Cebu City, nga girepresentar ni Konsehal Pablo Labra II. Ang mga resource speakers gikan sa Commission on Human Rights, sa lokal nga kagamhanan, ug sa PNP nga nagtuki sa mga programa sama sa Barangay Human Rights Action Center ug uban pang lakang aron mapalambo ang pagpanalipod sa katungod sa katawhan.
Sa forum, nagkahatag usab og oportunidad ang mga partisipante gikan sa lain-laing sektor nga maghatag og ideya ug kasinatian kung unsaon pagpalig-on ang pagrespeto sa human rights sa komunidad.
Ang kalihokan nagpakita sa lig-on nga panag-uban sa kapulisan, gobyerno, ug civil society sa pagpanalipod sa katawhan.
Source: CCPO
I via Renante Socia Lada