Samtang nagpadayon ang pag-andam alang sa Sinulog 2026, nagpahibalo ang Cebu City Police Office (CCPO) sa publiko sa listahan sa mga gidili nga butang nga dili tugotan dad-on sulod sa mga lugar sa kapistahan aron masiguro ang kaluwasan ug kalinaw sa tanan.
Sumala sa CCPO, hugot nga ginadili ang pagdala og mga armas sama sa pusil ug uban pang klase sa armas. Apil usab sa bawal ang mga hait nga butang sama sa kutsilyo ug uban pang bladed weapons nga mahimong gamiton sa kadautan.
Ginadili usab ang makahubog nga ilimnon, iligal nga drogas ug tanang klase sa ginadili nga substansiya. Ang kapulisan mipahimangno nga walay lugar ang illegal nga drogas ug kahubog sa relihiyoso ug kultural nga selebrasyon sama sa Sinulog.
Lakip usab sa dili tugotan ang dagkong mga bag, kay kini mahimong gamiton sa pagtago og delikadong butang. Ang mga mabuak nga sudlanan sa pagkaon ug ilimnong makahubog.
Gipahimangnoan usab ang publiko nga bawal ang eksplosibo ug dili awtorisado nga pyrotechnics, ingon man ang sigarilyo, lighter, ug tanang dali masunog nga butang sulod sa mga dapit sa kapistahan.
Gidasig sa CCPO ang kooperasyon sa tanang aron mapatuman ang kahapsay ug kalinaw sa Sinulog 2026.
Source: CCPOI via Renante Socia Lada