Usa ka “bomb explosion simulation exercise” ang gipahigayon kagahapong adlawa, Hunyo 26, 2024, didto sa Cebu City Sports Center (CCSC), isip pagpangandam sa Palarong Pambansa dinhi sa dakbayan sa Sugbo, sunod bulan.
Ang Cebu City Disaster Risk Reduction and Management Office (CCDRRMO), kauban ang pipila ka mga ahensiya sa gobiyerno, nagbansay-bansay pag ayo para sa maong dakong kalihukan.
Nakita sa maong ensayo na ang Explosives and Ordinance Division sa Philippine National Police maoy kunohay ang nagpabuto og bomba nga niresulta sa pagkaangol og daghang mga tawo.Z
Makita usab na ang nagkadaiyang mga rescue team sa kagamhanan, Department of Health, City Health Department, Joint Task Group sa Armed Forces of the Philippines-Visayas Command, Bureau of Fire Protection, Philippine Red Cross, ug uban pa niabag sab sa maong simulation.
Segon ni Harold Alcontin, pangulo sa CCDRRMO, na ang pagpahigayon sa simulation nagsilbing bunga sa gipahigayon nilang technical workshop nga g didto sa lungsod sa Cordova sa mga komitiba sa Palarong Pambansa.
“Atoang contingency planning unsay mga sagad nga naa nato possible sa Palaro, unya nakita nga importante kaayo ang pagpangandam alang sa gitawag nato mas casualty incident,” matod ni Alcotin.
Si Konsehal Joel Garganera, ang chairman sa committee on disaster risk reduction management, safety and climate change adaptation, naghangyo s apubliko na mo kooperar sa kalihukan sa Palarong Pambansa 2024, na ang siyudad sa Sugbo maoy host niini.
Andam na usab ang kapulisan sa Police Regional Office 7 na mubantay sa kahapsay ug kalinaw aron mahimo kining magmalapuson. (Renante Socia Lada)
(Source: Cebu City PIO)