Gilusad sa Cebu Police Provincial Office uban sa Provincial Government of Cebu ang “Capitol Caravan of Services” aron madala duol sa katawhan ang nagkalain-laing serbisyo sa gobyerno.
Himoon kini karong Abril 16 hangtod 17, 2026 sa Cebu Provincial Capitol, diin mahimong magproseso ang publiko sa License to Own and Possess Firearms (LTOPF), apil na ang renewal sa lisensya sa armas.
Kabahin sa proseso, ang mga aplikante moagi sa neuro-psychiatric exam ug drug test sumala sa balaod sa pagpanag-iya og armas.
Abli kini sa tanang gustong mo-avail sa serbisyo, apan adunay priority lane alang sa mga empleyado sa Kapitolyo aron mas paspas ang ilang transaksyon.
Gipahimangno-an ang mga aplikante nga dal-on ang kumpletong dokumento ug mas maayo kung makabayad ug makakompleto na daan sa online application aron malikayan ang kalangay.
Samtang alang sa National Police Clearance (NPC), mahimo usab kini iproseso sa Kapitolyo gikan Abril 15 hangtod 16, apan gidasig ang publiko nga mag-apply ug magbayad online daan.
Ang maong kalihokan nagtumong sa paghatag og sayon, paspas, ug hapsay nga serbisyo sa katawhan sa Sugbo.
Source: CPPO
I via Renante Socia Lada