Nasikop ang usa ka iladong vlogger nga si Mark Angelo Abucejo, 25 anyos, nga mas nailhan sa social media isip “Gegel,” human sa usa ka buy-bust operation nga gihimo sa kapolisan sa Barangay Macaas, Tubigon, Miyerkules, Oktubre 15, 2025.
Si Abucejo usa sa mga miyembro sa “Turo Family Vlogs” nga popular sa Facebook Reels ug uban pang social media platforms. Segun sa Tubigon Municipal Police Station, ilang gisubay ang kalihokan sa suspek human madawat ang impormasyon nga siya nalambigit sa pagpamaligya ug paggamit sa iligal nga drogas.
Sa operasyon, nasakmit gikan kang Abucejo ang 10 gramos nga shabu nga gibanabana’g mubalor ug ₱68,000, nga gigamit karon nga ebidensya batok kaniya. Ang suspek kasamtangan nga gitanggong sa Tubigon Police Station samtang nagpadayon ang imbestigasyon.
Si “Gegel” mao ang anak sa magtiayon nga nailhan sa online community isip Turo ug Tita, ug igsoon usab sa vlogger nga si Snake Princess. Ang kapolisan nagpahimangno sa publiko nga padayon nilang palig-onon ang kampanya batok sa iligal nga drogas sa lalawigan sa Bohol.
Source: Tubigon MPS
I via Renante Socia Lada