Nagpakita og tinuoray nga panaghiusa ang Bohol Medical Society (BMS) pinaagi sa pagdonar og daghang tambal para makatabang sa mga ospital sa Kapitolyo nga nag-atiman sa mga komunidad nga naapektuhan sa bag-ong kalamidad.
Gipaabot ang donasyon pinaagi ni Dr. Christian Budoy Lim, usa sa mga iladong doktor sa Bohol ug suod nga higala ni Dr. Nikki Catalan, health consultant sa Capitol Piso.
Dakong tabang ang maong donasyon kay nabug-atan na ang medical resources sa Cebu tungod sa sunod-sunod nga katalagman.
Nagpasalamat si Dr. Catalan sa tabang, ilabi na kang Dr. Lim, nga maoy nitabang pag-organize sa maong donasyon.
Iyaha usab gisiguro nga ang tambal ipang-apod-apod dayon sa mga lugar nga pinakagrabe ang naapektuhan aron matabangan ang mga pasyente ug mga medical frontliners.
Nagpasalamat si Dr. Catalan sa tanang higala nga nagpakita og suporta panahon sa lisod nga kahimtang sa probinsya.
Source: Cebu Province PIO
I via Renante Socia Lada