Na libkas na ang preventive suspension batok ni Bohol Governor Erico “Aris” Aumentado ug 30 ka mga Mayor sa Bohol.
Human gipagawas sa buhatan sa Ombudsman ang order nga naglibkas sa ilang suspension, penitsahan niadtong Agusto 1, 2024.
Sa maong order makabalik na sila sa pangatungdanan sa tagsa-tagsa nila ka mga buhatan sugod kagahapong adlawa Agusto 2, 2024.
Mahinomduman nga si Gov. Aumentado uban sa mga Mayor gipaubos sa preventive suspension tungod sa nahimong kontrobersiyal nga gitukod nga usa ka resort taliwala sa Chocolate hills.
Wala kaabot sa unom kabulan ang maong suspension og na libkas lang kini sa duha ka bulan human nakahatag og katin-awan ang mga Opisyalis sa Bohol sa maong issue. (Renante Socia Lada)