Nakalas ang usa ka 21-anyos nga lalaki human kini dunggaba sa gawas sa usa ka diskohan sa lungsod sa Pilar, Bohol, atol sa kapistahan sa maong lugar sayo sa buntag kagahapon, Oktubre 13, 2025.
Ang biktima giila nga si Jefferson Digal, 21 anyos, residente sa Sierra Bullones ug estudyante sa Alternative Learning System (ALS). Base sa imbestigasyon sa kapulisan, nagtuo ang suspetsado nga si alyas Dodong, 24-anyos, taga Dagohoy, nga nagkabalik ang biktima ug ang iyang uyab, maoy hinungdan sa kasina.
Pagkagawas sa diskohan, giatangan sa duha ka suspetsado ang biktima. Gisumbag una kini ni alyas Niel, ug pagkahuman giluba ni Dodong, nga nakaangkon si Digal og samad sa dughan ug liog. Gidala pa siya sa tambalanan sa Carmen apan gideklarar nga patay pag-abot didto.
Sa gihimong hot pursuit operation sa mga kapulisan, nadakpan ang duha ka suspetsado nga karon mag-atubang og kasong homicide. Matud pa sa imbestigasyon, ubos sa impluwensya sa ilimnong makahubog ang mga suspetsado sa dihang nahitabo ang krimen.
I via Renante Socia Lada