Ang Tropical Storm #BasyangPH (#Penha) karong adlawa, Pebrero 6, 2026, naglihok pa padulong sa Central Visayas, ug ang kusog nga hangin gikan sa bagyo nakaabot sa Southern portions sa Cebu, ubos sa Tropical Cyclone Wind Signal No. 2., sa PAGASA.
Base sa Tropical Cyclone Bulletin Nr. 16, ang bagyo adunay maximum sustained winds nga 65 km/h ug kusog nga huni hangtod sa 90 km/h. Naglihok kini padulong west northwest sa tulin nga 20 km/h, ug ang gale-force winds nakaabot ug 330 km gikan sa sentro.
Mga lugar nga naapektuhan sa TCWS No. 2 (Gale-force winds, 62–88 km/h): Southern Leyte, Bohol, southern ug central Cebu (lakip ang Samboan, Oslob, Moalboal, Alcoy, Dalaguete, ug uban pa), Siquijor, Negros Oriental, ug southern Negros Occidental. Kini nga kusog nga hangin posibleng makahatag og gamay hangtod moderate nga kadaot sa kinabuhi ug kabtangan.
Lugar nga naapektuhan sa TCWS No. 1 (Strong winds, 39–61 km/h): Southern portions sa Eastern Samar ug Samar, Biliran, ubang bahin sa Leyte, uban pang lugar sa Cebu, Negros Occidental, Guimaras, Iloilo, Capiz, Aklan, ug Antique. Ang hangin dinhi posibleng maghatag og minimal hangtod gamay nga kadaut sa kabtangan ug kinabuhi.
Ubang peligro sa yuta ug dagat: Posible ang kusog nga ulan, baha, ug storm surge sa mga coastal ug low-lying nga lugar. Ang mga seafarers gi-awhag nga likayan ang pagbiyahe sa dagat, ug ang mga residente sa high-risk areas kinahanglan mag-andam ug mosunod sa mga instruksyon sa lokal nga opisyal alang sa evacuation ug kaluwasan.
Ang bagyo posibleng mopadayon nga tropical storm samtang moagi sa Central Visayas ug Negros Island Region. Posible kini moluya ug mahimong tropical depression sa gabii o ugma sa buntag, ug mahimo nga low pressure area sa Domingo, Pebrero 8.
Ang publiko gi-awhag nga magpabilin alerto, mag-monitor sa updates sa PAGASA, ug buhaton ang tanan nga lakang aron maprotektahan ang kinabuhi ug kabtangan.
Sunod nga bulletin gikan sa DOST-PAGASA ipagawas sa alas 11 sa buntag karong adlawa.
I via Renante Socia Lada