Ang kusog nga hangin nga dala sa Severe Tropical Storm Kristine (international name: Trami) niduso sa usa ka cargo vessel sa baybayon ug nasandad kini didto sa Barangay Calajoan, lungsod sa Minglanilla, Sugbo.
Si Ensign Abel Lomboy, tigpamaba sa Philippine Coast Guard-Central Visayas, niingon nga ang barko, LCT Golden Bella, nag-angkla duol sa baybayon sa Barangay Calajoan niadtong Miyerkules human kini nalangan sa pagbiyahe paingon sa dakbayan sa Naga tungod sa dili maayong panahon dihang gikusokuso kini sa kusog nga hangin. .
Ang barko gikan sa Tawi-Tawi usa ka adlaw sa wala pa ang pag-abot sa bagyo, dugang niya.
“Giguyod padung sa baybayon tungod sa balod sa kadagatan ug sa pagtaas sa tubig,” matod ni Lomboy.
Ang mga angkla sa barko nabali sa ingon, kini naglutaw nga gawasnon ug dili makapugong sa mga balud.
Kaniadtong Huwebes, ang barko 100 metros ang gilay-on gikan sa baybayon ug nagpadayon sa pag-uswag tungod sa dagkong mga balud.
Nagplano ang coast guard nga ibira ang barko pinaagi sa tugboat.
Isip kabahin sa maritime safety, ang mga personahe sa PCG-Central Visayas nagpahigayon na karon og underwater hull inspection aron sutaon ang bisan unsang posibleng maguba nga hull.
“Ang pagmonitor sa bisan unsang oil spill nagpadayon nga adunay mga contingencies,” dugang ni Lomboy.
Sa laing bahin, si Lomboy niingon nga ang PCG Central Visayas partially lifted na ang suspension sa sea travels nga 250 gross tonnage pataas. (Renante Socia Lada)