Gipalig-on sa PDEA Central Visayas (PDEA 7) ang mga barangay-based anti-drug programs aron masiguro ang sustainability, aktibong partisipasyon sa komunidad, ug kooperasyon sa lain-laing ahensya, matud ni Acting Assistant Regional Director Thessa A. Tiuzen.
Sa katapusan sa 2025, 1,622 ka barangay sa rehiyon gi-declare nga drug-free, samtang 654 ka barangay nagpadayon gihapon sa intervention. Giingon ni Tiuzen nga importante nga dili mobalik ang illegal drug activities bisan human mahimong drug-cleared ang usa ka barangay.
Ang Barangay Drug Abuse Councils nagbantay sa komunidad, nag-report og bag-ong drug personalities, ug nagpatigayon og information campaigns, labi na sa kabatan-onan. Kung mapakyas ang programa, posible nga marevoke ang cleared status sa barangay.
Sa enforcement side, gipalig-on ang supply-reduction operations kauban ang PNP, AFP, ug uban pang ahensya. Niadtong Enero 2026, mga 8 kilo nga illegal drugs ang nakuha gikan sa suspected national-level distributor. Gipalapdan usab ang demand-reduction ug rehabilitation programs, sama sa Bahay Silangan sa Cebu City, nga nagahatag og community-based in-house treatment sa mga nag-surrender.
Source: PDEA-7
I via Renante Socia Lada