Padayong gipangita ang usa ka 5 anyos nga batang lalaki nga naapil sa pagkalumod sa usa ka bangka nga paingon sa Bohol.
Ang aksidenti nahitabo pasado alas 7:00 kagabii, Enero 1,2023, didto sa kadagatan sa Barangay Sangat, Lungsod sa San Fernado,Probinsya sa Sugbo.
Sa taho gikan sa San Fernando Municipal Disaster Risk Reduction Management Office pinaagi sa ilang pangulo nga mao si Pantallion
Busquit nga ang maong bangka adunay sakay nga 17 ka mga pasahero, 13 ang hamtong, ug 4 ang batang lalaki.
Puros sila taga Barangay Manipis, Siyudad sa Talisay nga paingon unta sa Bohol aron mutambong sa birthday sa ilang apohan.
Sa imbestigasyon nga gihimo nakasinati sila og mga dagkong bawod pagbot sa naasoy nga lugar diin nalunod ang ilang gisakyan nga bangka.
Sa pagkakaron ang PCG padayon nga nihimo sa ilang search and rescue operation aron sa pagpangita sa batang lakaki nga na missing. Â (Renante Lada, photo courtesy of Pantalion Busquit)
