Puros nakabsan sa ilang kinabuhi ang bana og asawa human gipang pusil.
Didto kini nahitabo sud sa CICC, Brgy. Guizo, Dakbayan sa Mandaue, alas 7:30 sa kabuntagon, Septembre 26, 2022 og na report sa kapulisan alas 8:15 sa susamang adlaw.
Ang mga biktima mao sila si Maria Chona G. Oro,39 anyos ang panuigon,asawa ug Romeo L. Oro,38 anyos ang pangidaron,bana, puros sila nagpuyo sa naasoy nga lugar.
Ang suspetsado naila nga si Jared Ebañez Abella, 26 anyos ang panuigon, A.K.A. Celso Morales Lauro, sakop Blade Cutter Securiry Agency, residenti sa Barangay Banilad, Siyudad sa Sugbo,ug lumad nga taga Barangay Maslog, Siyudad sa Danao.
Segon sa Kapulisan sa Mandaue City Police Office nga giadto sa ilang pinuy-anan ang bana og asawa dayon gipangpusil gamit ang 45 nga kalibre sa armas de fuego.
Sa nasayran nga ang bana nga biktima ug ang suspetsado puros mga security guard.
Dugang sa Kapulisan nga suspetsado ug si Maria Chona ang biktima manag higugmaay.
Nisuway unta pagsibat ang mamumuno apan nasikop kini sa gipahigayon nga hot pursuit operation sa MCPO.
Nagpadayon pa karon ang imbestigasyon sa suspetsado aron pagsuta kung unsay motibo sa krimin nganong iyang gipangpusil patay ang bana ug asawa.
Gitan- aw karon ang posibilidad nga love triangle ang posibling motibo sa pagpamusil.
Ang dali nga pagkasikop sa suspetsado tungod sa way puas nga pagpatrolya sa kapulisan sa MCPO batok sa mga dautang elemento sa katilingban. (Renante Lada, photo courtesy of MCPO/ PLCOL Franco Oriol)