Gikan sa pagdahili sa yuta ang hingpit nga pagkadaot sa usa ka balay sa Sitio Kanaas, Barangay Guadalupe, Cebu City kagahapong adlawa Septiyembre 24, 2026.
Base sa final report alas-2:14 sa hapon, usa ka pamilya nga gilangkuban sa lima ka tawo ang naapektuhan sa insidente. Usa ka balay ang natala nga totally damaged.
Dali nga mitubag ang Department of Social Welfare and Services o DSWS pinaagi sa pagparehistro sa apektadong pamilya ug pag-verify sa ilang kahimtang aron matino ang angay nga tabang nga ilang madawat.
Sa pagkakaron, nagpuyo una ang pamilya sa ilang mga paryente ug higala samtang nagpadayon ang assessment ug monitoring sa lugar.
Girekomendar usab ang paghatag og pinansyal nga tabang gikan sa disaster account, lakip ang relief assistance sama sa mga materyales alang sa balay, bugas ug uban pang panginahanglanon. Padayon usab ang koordinasyon sa Cebu City Government uban sa mga hingtungdan nga opisina aron matubag ang panginahanglan sa pamilya ug masiguro ang ilang kaluwasan.
I via Renante Socia Lada