Nangaangol ang duha ka mga tawo nga anaa sa sulod sa balay human gidasmagan sa tanker truck. Didto kini nahitabo sa Sitio Upper Balud, Barangay Balud, Lungsod sa San Fernando, Probinsya sa Sugbo, pasado alas 8:30 sa buntag, Abril 21, 2023.
Ang mga nangaangol giila sa San Fernando Police Station nga sila si Nilo Bonghanoy ug Bea Bonghanoy, hingkod ang pangidaron, nagpuyo sa maong balay.
Naila usab ang driver sa tanker sa tubig nga mao si Jeramil Enoc Taña, 25 anyos ang pangidaron, taga Brgy. Alfaco, Siyudad sa Naga.
Sa imbestigasyon sa kapulisan nasayran nga nakadungog ang driver og usa ka buto ug sa pagsusi na niya ni atras ang sakyanan nga ni bangga sa poste ug lahos sa balay.
Ang kapulisan padayon nga nagsusi sa maong aksidenti nga gikaangol sa duha ka mga tawo ug gikaguba sa usa ka balay. (Renante Lada, photo courtesy by Ronald Entero)