Pormal nga gisugdan sa Cebu City Police Office (CCPO) ang bag-ong kapitulo sa ilang kusog nga pagpangpatrolya ug pagpatuman sa balaod samtang ang bag-ong Officer-in-Charge (OIC), PCOL George V. Ylanan, nagdumala sa iyang unang CCPO Command Conference niadtong hapon sa Nobyembre 14, 2025.
Ang tibuok conference gihimo sa CCPO New Conference Room ug giapilan sa CCPO Command Group, mga Station Commanders sa Police Stations 1 hangtod 13, Chiefs sa Special Units, ug ang Force Commander sa City Mobile Force Company (CMFC). Nagpakita kini sa tinguha nga suporta sa bag-ong direksyon sa pagpangulo ni PCOL Ylanan.
Sa iyang mensahe, gipadayag ni PCOL Ylanan ang iyang pasalamat sa tanang opisyal ug personnel sa CCPO sa mainiton nga pagdawat ug suporta. Gisubli niya ang iyang komitment sa mas agresibo ug hiniusang pamaagi batok sa iligal drugas ug krimen, nga mao ang sentro sa iyang administrasyon.
“I would like to reiterate the marching orders from our Regional Director, PRO7, PBGEN REDRICO A MARANAN, to intensify our operations against illegal drugs and criminality,” segon ni PCOL Ylanan. “As the new OIC of CCPO, my top priority is to ensure that we work collectively to enhance our crime prevention strategies, strengthen community relations, and create a safer environment for all Cebuanos, matod ni PCOL Ylanan.
Dako ang gibutang nga focus ni PCOL Ylanan sa Community-Oriented Policing, diin iyang giklaro nga ang epektibong pagpugong sa krimen nag-agad sa aktibong partisipasyon sa komunidad ug pagsalig sa publiko. Gipakita niya ang kamahinungdanon sa pakig-partner sa komunidad, kay ang suporta sa katawhan dako kaayo og papel sa kalampusan sa tanang operasyon sa kapulisan.
“It is crucial that we work hand-in-hand with the community to ensure that our efforts are more effective and responsive to their needs,” dugang niya.
Gipahibalo usab ni PCOL Ylanan ang iyang mga plano ug best practices aron mapauswag ang efficiency sa CCPO, mas lig-on ang coordination sa mga units, ug masiguro ang taas nga standard sa serbisyo sa pulisya. Gipahimangnoan niya ang tanang opisyal nga ipakita ang professionalism, disiplina, ug integridad sa ilang trabaho.
Sa pagtapos sa iyang mensahe, gi-awhag niya ang tanang personnel sa CCPO nga maghiusa ug magtinabangay para sa mas luwas ug malinawon nga Cebu City.
Source: CPPO
I via Renante Socia Lada